Egal was für e komischi Idee häsch, miis Ziil isch, dini Vorschtellige wahr werde z lah. Egal ob s öppis gnäits, baschtlets, gmalets, zeichnets, handwerchlichs oder grafischs isch, frög eifach mal bi mir ah! Das koschtet ja no nüt. Und so isch au bald nüm alles miis.
Ich bin guet uusgrüschtet, so dass würkli vill möglich isch. Usser emne leischtigsstarche PC staht bi mir en 3D-Drucker, en Laser-Engraver (für Brandmalerei), en Plotter (zum schniide, zeichne, graviere, präge und Folie herstelle), e Nähmaschine, zwei Drucker und paar luschtigi chlineri Tools.
Du würsch eigentlich lieber sälber öppis mache, weisch aber nöd gnau, wo und wie aafange oder welles Material sich am beschte eignet? Frög doch mal bi mir nah. Vilicht laht sich us diinere Idee grad es neus Video mache… Denn chasch immer no entscheide, ob miis Resulat chaufsch, oder sälber probiersch.
Ich han lang als Grafikerin gschafft und bin versiert im grafische Bereich, digitale Illuschtratione und chliine Animatione. Miini Websiite isch übrigens au 100% vo mir gschtaltet. Wennt meh über das Thema wüsse willsch, chasch au gern no da nahluege: PORTFOLIO
Du erhaltisch en wöchentliche Rückblick, e Vorschau uf die nächst Wuche und exklusivi Infos über das, woni grad mach. So findsch immer diräkt s neuschte Video, die zueghörige Downloads und Produkt.
Und kei Angscht! Ich schick ganz sicher nöd meh als eine i de Wuche.
© 2023 Cornelia Cimato