allesmiis.ch ghört zu 100% mir.
Cornelia Cimato | Schwerzistrasse 14 | 6017 Ruswil | conni@allesmiis.ch | Tel. 078 718 49 44 (nur whatsapp!)
All Artikel uf allesmiis.ch sind sälbergmacht und chönd darum chlinneri Fehler (wie zum Biischpiil e chrummi Naht, chliini Farbfläcke oder Chratzer) enthalte. Es isch au demit z rächne, dass paar Hundehaar oder bitz Staub mitgschickt werdet. Das isch alles kein Rückgabegrund. All Artikel werded aber vor em verschicke nomal überprüeft und gwäsche. Falls öppis kaputt wär, informier ich dich vorher und gib der d Möglichkeit, diini Bschtellig z storniere.
Die gsamte Dateschutzbestimmige findsch DA.
All Priise sind i Schwiizer Franke (CHF) aagäh und enthaltet kei Mehrwertstüür, will ich nöd mehrwertstüürpflichtig bin. Allfälligi Zueschläg bi de Zahlig mit Kreditcharte sind au scho iibegriffe. D Versandkoschte werded bi de Kasse und im Warechorb aazeigt.
Bi de Zahlig mit QR Code oder Twint wird s Produkt erscht verschickt, wenni de Gsamtbetrag erhalte han. Di bschtellte Artikel sind 2 Tag lang für diich reserviert.
De Priis für personalisierti Artikel (1 CHF) verstaht sich als Uufwandsentschädigung. Das heisst, dass ich de Franke bhalte, egal ob du nachher de Artikel würkli bschtellsch oder nöd.
Ich lifere Artikel nur id Schwiiz!
D Liferziite beträged im Normalfall 1-3 Tag. Bi personalisierte Artikel oder Uufträg informier ich diich per Mail drüber, wie lang s öppe gaht. Natürlich bevor du defür zahlt häsch.
Bi de Zahlig mit QR Code oder Twint wird s Produkt erscht verschickt, wenni de Gsamtbetrag erhalte han.
Ich übernimm kei Haftig, wenn de Artikel bi de Liferig beschädigt wird oder verlore gaht. Ich pack das Züüg so guet wie möglich ii und stelle sicher, dass unbeschädigt sind, wennis abschick.
Personalisierti Artikel chönd uf kein Fall retourniert werde! Ich kommunizier guet im Voorus, was du dir gnau vorstellsch und wie das Ganze am Schluss uusgseht. Sobald de Artikel zahlt isch, nimm ich das als Bestätigung, dass es so akzeptiert isch.
Überhaupt nimm ich allgemein kei Retoure entgäge. Wenn öppis us irgend eme Grund würkli gar nöd passt, chasch mer gern schriibe und mir findet e Lösig zäme, also en Guetschii, e Teilrückerstattig oder e Reparatur vom Artikel.
© 2023 Cornelia Cimato